Bugun, 2022-yil 22-avgust Har yili Tadbirkorlar kunini nishonlash doirasida va O‘zbekiston Respublikasi Prezidentining “Tadbirkorlar kuni munosabati bilan tadbirkorlik sub’ektlarining bir guruh vakillarini mukofotlash to‘g‘risida”gi qaroriga muvofiq mamlakatimiz taraqqiyotiga munosib hissa qo‘shayotgan soha” yuzasidan, “Global Textile” kompaniyalar guruhi asoschisi Muzaffar Razoqov “Do‘stlik” ordeni bilan taqdirlandi.
G‘oliblarni taqdirlash marosimi Xalqaro kongress markazida Prezident va tadbirkorlar o‘rtasidagi ochiq muloqot chog‘ida bo‘lib o‘tdi. Yig‘ilgan tadbirkorlarga mukofotni shaxsan O‘zbekiston Respublikasi Prezidenti Shavkat Mirziyoyev topshirib, respublikamizning iqtisodiy qudrati va eksport salohiyatini oshirishga qo‘shgan ulkan hissasi uchun minnatdorlik bildirdi.
Biz butun Global Textile kompaniyalar guruhi rahbariyatimiz bilan faxrlanamiz va kompaniyaga yanada taraqqiyot va farovonlik tilaymiz.
Muzaffar Maxamatovich,
Sizni oliy davlat mukofoti – “Do‘stlik” ordeni bilan taqdirlanganingiz bilan chin qalbdan samimiy tabriklaymiz. Bu barchamiz uchun muhim va ahamiyatli voqea. Sizga chin dildan mustahkam sog'liq, baxt-saodat, hamda kompaniyamiz faoliyatida yanada yuksak muvaffaqiyatlar tilaymiz.
